Cwestiynau ac Atebion

1. Pwy all ymgeisio am Grant Arian i Bawb?
2. Faint o arian y gallwn ni ei dderbyn?
3. Pa ardal ddaearyddol y mae Arian i Bawb yn ei gorchuddio?
4. Beth yw nodau’r Rhaglen?
5. Pwy ddylwn i gysylltu â hwy am ragor o wybodaeth?

Ni chewch ymgeisio i raglen Arian i Bawb oni bai eich bod yn grŵp cymunedol, grŵp nid-er-elw, Cyngor Cymuned neu Dref, Corff Iechyd, neu ysgol.

Rhwng £500 a £5,000 er mwyn ariannu prosiect neu weithgaredd penodol. Gall sefydliadau dderbyn hyd at uchafswm o £5,000 gan Arian i Bawb mewn unrhyw gyfnod o 12 mis.

Mae Arian i Bawb Cymru yn gorchuddio Cymru gyfan.

Nod Arian i Bawb Cymru yw:

• Cefnogi gweithgarwch cymunedol – trwy gynorthwyo cymunedau i fodloni eu hanghenion drwy weithredu gwirfoddol, prosiectau hunangymorth, cyfleusterau neu ddigwyddiadau lleol. (Wrth gymunedau rydym yn golygu pobl o fewn ardal leol neu bobl sy'n rhannu diddordeb neu angen cyffredin.)
• Ymestyn ar fynediad a chyfranogiad - trwy annog mwy o bobl i ddod yn weithredol gysylltiedig â grwpiau a phrosiectau lleol, a thrwy gefnogi gweithgareddau sy’n anelu at fod yn agored ac yn hygyrch i bawb sy’n dymuno cymryd rhan.
• Cynyddu sgiliau a chreadigedd – trwy gefnogi gweithgareddau sy’n cynorthwyo i ddatblygu pobl a sefydliadau, gwella sgiliau a chodi safonau.
• Gwella ansawdd bywyd – trwy gefnogi prosiectau lleol sy’n gwella cyfleoedd pobl, eu hiechyd, eu lles, eu hamgylchedd neu gyfleusterau lleol, yn enwedig y bobl fwyaf difreintiedig yn y gymdeithas.

Os oes gennych gwestiynau ynghylch sut i ymgeisio neu i gynllunio eich prosiect, mae sawl ffynhonnell cyngor a chymorth ar gael. Ffoniwch ein Llinell Gynghori Fawr neu anfonwch e-bost gan ddefnyddio’r manylion cyswllt isod gydag unrhyw gwestiynau sydd gennych chi.

• Ffôn: 0845 4 10 20 30
• E-bost: ymholiadau.cymru@cronfaloterifawr.org.uk
• Ffôn testun: 0161 234 9112