Canllawiau cyhoeddusrwydd

Mae hefyd yn bwysig i adael i bobl wybod ble mae eu harian Loteri Genedlaethol yn cael ei wario ac i annog eraill i ymgeisio.

Rydym wedi creu'r canllawiau cyhoeddusrwydd yma i'ch helpu i gwrdd â'r amcanion yma. Lawr lwytho logos

1. Byddwch yn glir ynglŷn â’ch amcanion
2. Cynlluniwch yr hyn ydych am ei wneud
3. Cynnwys pobl
4. Ewch amdani!
5. Monitro'r canlyniadau
   
   

   Denu diddordeb y wasg

   Cydnabyddiaeth grant

   Sut i fod yn gyfwelai da i'r wasg

   Sut i swnio'n dda ar y radio

Igael cyhoeddusrwydd positif dylech wybod y canlynol

Cyn i chi gychwyn, meddyliwch am eich amcanion a gofynnwch y cwestiynau yma:

• Pam ydych chi am ei wneud?
• Beth ydych chi eisiau ei gyflawni? Beth yw'r prif negeseuon?
• Ai nawr yw'r amser gorau?
• Oes gennych ddigon o bobl i'w wneud? Pwy yw'r gynulleidfa darged?

• Mae amseriad yn bwysig. Efallai y byddwch am gael cyhoeddusrwydd mewn papurau wythnosol, nos weithiol a dyddiol, felly bydd angen i chi fod yn ymwybodol o'r dyddiau a'r amserau y maent yn cael eu cyhoeddi a'r dyddiadau cau golygyddol.
• Byddwch yn ymwybodol o faint o amser ac ymdrech sydd ei angen i ysgrifennu datganiad newyddion a dewis siaradwr.  Gwnewch yn siŵr y bydd rhywun o'ch grŵp ar gael i siarad â'r wasg ac i wneud cyfweliadau radio a theledu.
• Gwnewch yn siŵr nad yw eich cyhoeddiad yn digwydd cyn dyddiad embargo'r Gronfa Loteri Fawr.  Golyga embargo na all y wybodaeth fynd yn gyhoeddus hyd nes yr amser a nodir ar y datganiad i'r wasg. Mae defnyddio embargo yn helpu gan y golyga fod y wasg yn derbyn y wybodaeth cyn y digwyddiad, gan eu galluogi i gynllunio.

• Rhannwch syniadau ar gyfer cyhoeddusrwydd gydag aelodau eraill eich grŵp ac anogwch eu cyfraniad.
• Cyn i chi anfon datganiad newyddion allan i'r wasg, gofynnwch i rywun ei ddarllen i'w wirio am gamgymeriadau sillafu a chywirdeb ffeithiol. Yn benodol gwiriwch fod amser, dyddiad a lle wedi eu cynnwys yn ogystal ag amser, dyddiad a lle unrhyw ddigwyddiad neu lansiad.
• Cyn i chi wahodd newyddiadurwyr i ymweld â’ch safle, gofynnwch i aelodau eich grŵp os ydych eisiau cael eu cynnwys drwy gael tynnu eu lluniau neu gael eu cyfweld. Mae'n bwysig eich bod yn sicrhau fod gennych ganiatâd i dynnu lluniau pobl - yn arbennig plant.

• Anfonwch eich datganiad newyddion drwy ffacs neu e-bost.
• Dilynwch y datganiad newyddion: ffoniwch y ddesg newyddion i wneud yn siŵr eu bod wedi cael y datganiad newyddion, a'u bod yn dod i'ch digwyddiad.
• Byddwch yno i gwrdd â'r wasg ac i'w cyflwyno nhw i bawb sydd â stori dda.
• Gwnewch yn siŵr eich bod wedi rhoi'r negeseuon allweddol iddynt am y prosiect.

Mae'n hollbwysig eich bod yn gwneud hyn fel rhan o gyhoeddusrwydd fel y gallwch farnu'r hyn a weithiodd ar hyn a fethodd ar gyfer ymdrechion y dyfodol.

 

Denu diddordeb y wasg

Mae dwsinau o ddatganiadau newyddion yn cael eu hanfon at newyddiaduron papurau lleol pob dydd. I wneud yn siŵr fod eich un chi yn sefyll allan dilynwch y cynghorion yma:

• Sicrhewch fod yr ongl newyddion yng nghyflwyniad eich datganiad i'r wasg.
• Cofiwch: PWY, BETH, PAM, PRYD, BLE, SUT.
• Cadwch ef yn fyr a syml ond gwnewch yn siŵr fod y ffeithiau yna i gyd.
• Ceisiwch ddarganfod yr ongl wybodaeth ddynol gymaint ag sy'n bosibl a'i gefnogi â dyfyniad. Er enghraifft cynhwyswch ddyfyniadau gan y rhai a fydd yn cael budd o'r arian yma o fewn eich cymuned.
• Dylid cynnwys rhifau cyswllt ar y datganiad os bydd angen mwy o wybodaeth.
• Cofiwch gynnwys ein logo buddiolwyr ar eich datganiad. Gellir lawr lwytho hwn o'r adran isod.
• Os ydych yn cynllunio cyhoeddiad neu lansiad, gwnewch yn siŵr ei fod yn cwrdd â therfynau amser y papurau newyddion yn eich ardal.
• Mae datganiadau i'r wasg ar wefan Arian i Bawb (yn yr adrannau newyddion) os oes angen mwy o gymorth arnoch.

Cydnabyddiaeth grant

• Dylai logo buddiolwyr Arian i Bawb ymddangos ar ddatganiadau newyddion. Gellir lawr lwytho hwn hefyd o adran derbynnydd y wefan.
• Mae'ch grŵp wedi cytuno i gyd-weithio ag Arian i Bawb wrth gydnabod eich prosiect ac fe hoffem eich annog i anfon lluniau a fydd yn ein helpu i wneud hyn. Mae'n bwysig fod yr holl bersonau a gaiff eu ffotograffau yn ymwybodol y gall eu llun gael ei ddefnyddio ar gyfer deunyddiau hyrwyddo a'u bod yn rhoi caniatâd i chi eu defnyddio ar gyfer defnydd o'r math yma.
• Mae'n rhaid i chi gael caniatâd ysgrifenedig gan riant neu warchodwr cyn y gellir tynnu lluniau o blant.
• Ceisiwch sicrhau fod ein logo yn gwbl weladwy yn y lluniau. Mae hyn yn bosibl drwy ddefnyddio ein deunyddiau cydnabod grant, fel ein placiau wal. Os ydych yn cynnal digwyddiad mawr cwblhewch y ffurflen sydd â'r daflen yma a dychwelwch ef atom, efallai y bydd yn bosib i'n timau rhanbarthol roi cymorth i chi neu eich darparu â rhai eitemau i'w defnyddio.
• Os oes gennych unrhyw gwestiynau ynglŷn â gwneud cyhoeddiad e-bostiwch pressoffice@awardsforall.org.uk.

 

Sut i fod yn gyfwelai da i'r wasg

• Gwnewch yn siŵr eich bod yn gwybod i bwy ydych chi'n gwneud y cyfweliad.
• Penderfynwch ar ddwy neu dair neges allweddol yr ydych am eu trosglwyddo i gyrraedd eich amcanion, er enghraifft, y budd fydd eich sefydliad yn ei gael o'r arian.
• Ystyriwch ba gwestiynau maent yn debygol o ofyn i chi a sut fyddwch yn eu hateb.
• Lluniwch ddarlun - cofiwch osgoi ystadegau neu restrau hir.
• Ceisiwch osgoi jargon neu iaith dechnegol.
• Os nad ydych yn deall cwestiwn, gofynnwch i'r newyddiadurwr ei ailadrodd neu ei egluro. Peidiwch ag ateb cwestiynau ar destunau nad ydych yn gwybod dim amdanynt.

Sut i swnion dda ar y radio

Dilynwch y canllawiau ar gyfer cyfweliadau a'r wasg a amlinellir uchod, a holwch os yw'r cyfweliad yn fyw neu wedi ei recordio.

• Siaradwch yn gliriach ac arafach na'r arfer.
• Mae angen i dôn eich llais gyd-fynd â'ch neges.
• Siaradwch â'r cyfwelydd a gwnewch gyswllt llygaid â nhw, anwybyddwch y meic.
• Gadewch i'ch brwdfrydedd naturiol ddod allan - hwn yw un o'ch prif gryfderau.