Main Menu:
- Skip to country select
- Skip to menu
- Skip to search
- Skip to more accessibility options
- Skip to page content
Sut i ymgeisio
Er mwyn cael eich ystyried am grant, mae’n rhaid i chi lenwi ffurflen gais a’i hanfon yn ôl atom.
Byddwn yn gadael i chi wybod o fewn deuddeg wythnos os ydych wedi bod yn llwyddiannus.
Cyn i chi gychwyn llenwi’r ffurflen, mae dau beth ddylech ei wybod:
- darllenwch y nodiadau arweiniad. Mae dros dri chwarter y ceisiadau yr ydym yn eu derbyn yn cael eu hanfon yn ôl, neu yn cael eu gwrthod, oherwydd eu bod yn cynnwys gwallau sylfaenol, gwybodaeth ar goll, neu am eu bod yn gofyn am grant am rywbeth nad yw’n bosibl i Arian i Bawb Cymru ei ariannu.
- gwnewch yn siŵr eich bod yn ychwanegu pob dogfen yr ydym yn gofyn amdani (gweler tudalennau 9 a 10 y nodiadau arweiniad). Os byddwn yn derbyn cais hebddynt, ni fyddwn yn edrych arno. Byddwn yn ei anfon yn ôl atoch, fel y gallwch ychwanegu’r manylion coll. Bydd hyn yn oedi eich cais.
Mae enghreifftiau o wybodaeth a dogfennau coll yn cynnwys:
- cyfriflenni banc coll neu annerbyniol
- cyfrifon coll neu annerbyniol
- dyddiadau geni cysylltiadau coll, a
- chanolwyr ddim yn addas.
Ffurflenni cais
- Nodiadau Arweiniad Arian i Bawb Cymru (PDF, 749 KB)
- Ffurflen Gais Arian i Bawb Cymru (PDF, 842 KB)
Gallwch deipio yn uniongyrchol i mewn i’r ffurflen gais, ond, mae’n rhaid i chi arbed y ffurflen i’ch cyfrifiadur eich hun yn gyntaf, ac mae’n rhaid fod gennych fersiwn 7, neu uwch, o Adobe Reader ar eich cyfrifiadur. Gweler ein dogfen Cefnogaeth Darllenydd PDF am gyngor pellach.
Os hoffech gopi papur o’r ffurflen a’r nodiadau arweiniad, ffoniwch 0845 600 20 40 neu ffôn testun 0845 755 6656 os gwelwch yn dda.
Os ydych yn gangen o sefydliad arall, bydd angen i’ch rhiant sefydliad gwblhau llythyr o gefnogaeth (MS Word, 50 KB). Mae gwybodaeth bellach am hyn ar gael ar dudalen 10 y nodiadau arweiniad.
Ffeiliau PDF
Mae ffeil PDF yn eich galluogi i lawr lwytho ac argraffu gwybodaeth yn gyflym a rhwydd.
I agor a theipio i mewn i ffeiliau PDF, mae angen i chi ddefnyddio’r fersiwn ddiweddaraf o Adobe Reader.
Os oes gennych fersiwn gynharach o Reader ar eich cyfrifiadur, efallai na fydd hin bosibl ichi weld yr holl nodweddion sydd yn ein ffurflenni PDF.
Gallwch sefydlu’r fersiwn ddiweddaraf o Wefan Adobe, neu mae disgiau clawr cylchgrawn cyfrifiadur fel arfer yn cynnwys y fersiwn ddiweddaraf.
Nodwch os gwelwch yn dda, nid ydym yn darparu’r ffurflen gais mewn unrhyw fformat electronig arall.
Rhaglenni Loteri eraill
Os ydych wedi darllen y nodiadau arweiniad a’ch bod yn teimlo nad yw Arian i Bawb Cymru yn addas ar gyfer eich prosiect, yna mae rhaglenni Loteri eraill a all fod yn addas ar eich cyfer. Am wybodaeth bellach ffoniwch linell gymorth y Loteri Genedlaethol ar 0845 275 0000, ffôn testun 0845 275 0022 neu gallwch ymweld â’r wefan yn: www.lotteryfunding.org.uk.
